ຄຸນຄ່າຂອງເຈົ້າ ຢູ່ໃສ? (Self-Worth, do you have it today?)




ທຸກໆຄົນລ້ວນແລ້ວແຕ່ມີຄຸນຄ່າ ແລະ ຄົນທໍາອິດທີ່ຄວນເຫັນຄຸນຄ່ານັ້ນກໍຄືຕົວເຮົາເອງ. ເມື່ອເຮົາເຫັນຄຸນຄ່າຂອງຕົນແລ້ວ, ລັງສີນັ້ນກໍຈະແຜ່ກະຈ່າຍໄປສູ່ຄົນອ້ອມຂ້າງ ເຮັດໃຫ້ເຂົາເຈົ້າເຫັນຄຸນຄ່າຂອງເຮົາເຊັ່ນກັນ. ການຮູ້ຄຸນຄ່າຂອງຕົນນັ້ນ, ສາມາດສະແດງອອກເປັນການກະທໍາໃນຫຼາຍຮູບແບບ ເຊັ່ນວ່າ:
• ການເບິ່ງແຍງຕົນເອງເປັນປົກກະຕິ
• ການທີ່ເຮົາສາມາດຢູ່ຢ່າງມີຄວາມສຸກໄດ້ດ້ວຍຕົນເອງ
• ການແບ່ງປັ່ນຄວາມສຸກ ແລະ ສິ່ງດີໆໃຫ້ຄົນອ້ອມຂ້າງ
• ການມີຈຸດຢືນທີ່ຖືກຕ້ອງເປັນຂອງຕົນເອງ
• ການບໍ່ຍອມໃຫ້ຄົນອື່ນມາດູຖູກ ແລະ ດູໝື່ນ ແບບບໍ່ຖືກຕ້ອງ
• ອື່ນໆ
ສຸດທ້າຍແລ້ວ, ຄົນໆໜຶ່ງຈະມີຄວາມສຸກໄດ້ທຸກວັນ ກໍຕໍ່ເມື່ອເຮົາເຫັນຄຸນຄ່າຂອງຕົນ. ບໍ່ມີໃຜສາມາດທໍາລາຍຄຸນຄ່າຂອງຄົນອື່ນໄດ້, ຖ້າຄົນໆນັ້ນບໍ່ອະນຸຍາດ.
ຈິນດາວອນ
ບົດບັນທຶກສ່ວນຕົວ 
31.12.2018
ທີ່ເມືອງ ອະດິເລດ, ອົດສະຕາລີໃຕ້
English Translation

Everyone is valuable, and the first person to value it is ourselves. When we see our worth, that radiation will spread to those around us so that they can see our worth. Knowing one's worth can be expressed in many ways, such as:
• Regular self-care
• Being able to live happily on your own
• Sharing the joy and good things with those around you
• Having your own right standing points
• Not allowing others to treat you disrespectfully
• Others
After all, a person can be happy every day as we value ourselves. No one can destroy the value of others, unless that person allows.

Chindavone
Diary 
31.12.2018
Adelaide, South Australia

Comments

Post a Comment

Popular posts from this blog

7 ອຸປະນິດໄສຂອງຄົນທີ່ມີປະສິດທິພາບສູງ (7 Habits of Highly Effective People)- ສະຫຼຸບຫຍໍ້

Image
ຂ້າພະເຈົ້າ ຈິນດາວອນ ສານລັດ ໄດ້ມີໂອກາດຝຶກອົບຮົບ ຫົວຂໍ້ 7 ອຸປະນິດໄສຂອງຄົນທີ່ມີປະສິດທິພາບສູງ (7 Habits of Highly Effective People) ໃນວັນທີ່ 28-30 ເດືອນ 11 ປີ 2022, ເຊິ່ງເຄີຍໄດ້ອ່ານປື້ມນີ້ຈົນປ່ຽນວິທີຄິດຂອງຕົນເອງຕອນຮຽນ ມະຫາວິທະຍາໄລແຫ່ງຊາດລາວ ຈົນເຮັດໃຫ້ຊີວິດປ່ຽນ. ໂຊກດີຫລາຍທີ່ມີໂອກາດໄດ້ມາຝຶກອົບຮົມຕົວຈິງ ແລະ ດັ່ງນັ້ນ ຂພຈ ຈຶ່ງສະຫລຸບບົດຮຽນທີ່ສໍາຄັນໄວ້ດັ່ງນີ້: ບົດຮຽນສໍາຄັນທີ 1: ຕົ້ນໄມ້ຢືນໄດ້ສູງ ກໍຍ້ອນຮາກຂອງມັນ ເຊິ່ງເຮົາເບິ່ງບໍ່ເຫັນ. ຄົນເຮົາຈະສໍາເລັດ ກໍຍ້ອນການພັດທະນາດ້ານໃນຈົນເປັງປະກາຍອອກດ້ານນອກ. ນີ້ໝາຍຄວາມວ່າ ການສຸມໃສ່ພັດທະນາຄຸນສົມບັດ ແມ່ນສໍາຄັນກວ່າບຸກຄະລິກພາຍນອກ ບົດຮຽນສໍາຄັນທີ່ 2: Circle of Influence - ສຸມໃສ່ສິ່ງທີ່ເຮົາສາມາດຄວບຄຸມໄດ້ (ເຮັດໄດ້) ແລ້ວອິດທິພົນໃນການແກ້ໄຂບັນຫາຂອງເຮົາຈະເພີ່ມຂຶ້ນ. ສຸມໃສ່ບັນຫາ ແລ້ວບັນຫາຈະເພີ່ມຂຶ້ນ (ແຮງຈົ່ມທຸກ ແຮງພົບບັນຫາ) ບົດຮຽນສໍາຄັນທີ່ 3: Paradigm ແນວຄວາມຄິດຂອງເຮົາ (ສິ່ງທີ່ເຮົາເຫັນທັງຄວາມຄິດ ແລະ ສາຍຕາ) ມີຜົນຕໍ່ການກະທໍາຂອງເຮົາ ການກະທໍາຂອງເຮົານໍາໄປສູ່ສູ້ຜົນໄດ້ຮັບ (SEE-DO-GET). ຖ້າເຮົາ ຄິດ ແລະ ເຮັດ ແລ້ວບໍ່ໄດ້ຮັບຜົນ, ເຮົາຄວນກັບໄປເບິ່ງ ແລະ ປ່ຽນວິທີຄິດຂອງເຮົາ 7 ອຸປະສິດໄສ ມີດ...
Read more

ເປັນຫຍັງເຮົາ (ບັນດາປະເທດ) ຈຶ່ງພັດທະນາບໍ່ເທົ່າກັນ? ແລ້ວລາວເຮົາເດ?

Image
ການຈະເລີນເຕີມໂຕຂອງເສດຖະກິດປັດຈຸບັນນີ້ ອາໄສຄວາມຮູ້ຄວາມສາມາດໃນການປະດິດຄິດສ້າງສິ່ງໃໝ່ ໂດຍການໃຊ້ເທັກນິກ ເທັກໂນໂລຊີໃໝ່ໆ ທີ່ທັນສະໄໝ ແລະ ມີປະສິດທິພາບກ່ວາ.  ຮູບຖ່າຍໂດຍ: ສົມໄຊ ແສງດາລາ ເຊິ່ງການປະດິດຄິດສ້າງເຫຼົ່ານີ້ເກີດມາຈາກຊັບພະຍາກອນມະນຸດ ຫຼື ຄົນທີ່ມີຄວາມຮູ້ຄວາມສາມາດໃນປະເທດນັ້ນໆ. ສ່ວນວ່າ ປະເທດໃດໜຶ່ງ ຈະມີປະຊາກອນທີ່ມີຄວາມຮູ້ຄວາມສາມາດ ຫຼື ບໍ່ນັ້ນ ສ່ວນໃຫຍ່ກໍຂຶ້ນກັບລະບົບການສຶກສາຂອງປະເທດນັ້ນ. ເພາະວ່າ ຄົນສ່ວນຫຼາຍໃຊ້ເກືອບເຄິ່ງຊີວິດໃນລະບົບການສຶກສາ (Formal Education) ເພື່ອຝຶກຝົນຫຼໍ່ຫຼອມ. ຖ້າປຽບທຽບວ່າໂຮງຮຽນເປັນເບົາຫຼໍ່ຮູບປັ້ນ ຖ້າເບົາຫຼໍ່ມີຄຸນນະພາບ ມີຄວາມປານິດ ແລະ ສ້າງສັນ ສິ່ງທີ່ຖືກຫຼໍ່ອອກມາກໍຈະມີຄຸນນະພາບ ມີຄວາມສວຍງາມເຊັ່ນດຽວກັນ. ແຕ່ກົງກັນຂ້າມ ຖ້າເບົາຫຼໍ່ມີຕໍານິ ສິ່ງຫຼໍ່ທີ່ຖືກສ້າງອອກມາກໍຈະມີຕໍານິ ເຊັ່ນດຽວກັນ. ດັ່ງນັ້ນ ການລົງທຶນໃນການສຶກສາ ກໍເໝືອນການລົງທຶນໃນການສ້າງເບົາຫຼໍ່ທີ່ດີ ມີຄຸນນະພາບ ແລະ ງົດງາມ. ການມີຊັບພະຍາກອນມະນຸດທີ່ມີຄຸນນະພາບນັ້ນ ຈະເຮັດໃຫ້ເສດຖະກິດຂອງປະເທດນັ້ນໆຂະຫຍາຍຕົວໄວ ເພາະຄົນທີ່ມີຄຸນນະພາບເປັນປັດໄຈທີ່ກະຕຸ້ນໃຫ້ເກີດການປະດິດສ້າງເທັກໂນໂລຊີໃໝ່ໆທີ່ຊ່ວຍໃຫ້ການຜະລິດສິ່ງໃດໜຶ່ງມີປະສິດທິຜົນ ແ...
Read more

ຄວາມແຕກຕ່າງລະຫວ່າງນັກສຶກສາລາວ ກັບ ນັກສຶກສາສິງກະໂປ

Image
  ສະບາຍດີຕອນເຊົ້າ. ຂ້ອຍຂໍເລົ່າປະສົບການຈັກໜ່ອຍກ່ຽວກັບການສຶກສາແດ່ເດີ. ຂ້ອຍມີໂອກາດໄດ້ມາຢາມມະຫາວິທະຍາໄລແຫ່ງຊາດ ສິງກະໂປ ຫຼື National University of Singapore (NUS) ເປັນຄັ້ງທີ່ສອງຫຼັງຈາກຈົບການສຶກສາຢູ່ນີ້ໄດ້ໄລຍະໜຶ່ງ. ຄວາມຮູ້ສຶກກໍ່ຍັງເປັນຄືເກົ່າບໍ່ແຕກຕ່າງ. ເວົ້າເລື່ອງການສຶກສາຮໍ່າຮຽນ, ນັກສຶກສາຢູ່ນີ້ເຂົາເຈົ້າຮຽນໜັກອີລີ ແຕ່ລະຄືນຖ້າເພື່ອນຮ່ວມຫ້ອງຂອງຂ້າພະເຈົ້າໄດ້ນ້ອຍ 6 ຊົ່ວໂມງຕໍ່ມື້ນີ້ຖືວ່າເປັນບຸນແລ້ວ. ນັກສຶກສາແຕ່ລະຄົນ ຈະມີແຜນຂອງຕົນຢ່າງຄັກແນ່ ເປັນແຜນລາຍມື້, ລາຍອາທິດ ແລະ ລາຍເດືອນ ເພື່ອເຂົາເຈົ້າຈະຮູ້ໄດ້ວ່າຕົນເອງຕ້ອງເຮັດຫຍັງ ຮຽນຫຍັງໃຫ້ສຳເລັດໃນແຕ່ລະມື້, ອາທິດ ແລະ ເດືອນ. ບາງຄັ້ງຂ້າພະເຈົ້າຮູ້ສຶກແປກໃຈຫຼາຍເດີກ 1-2 ໂມງເຊົ້າກໍ່ຍັງມີນັກສຶກສາຮຽນໜັງສືຮູ້ຫໍສະໜຸດ. ແຕ່ບໍ່ໜ້າແປກໃຈເລີຍວ່າເປັນຫຍັງນັກສຶກສາຢູ່ NUS ຈຶ່ງກ້າຄິດ, ກ້າເວົ້າ ແລະ ກ້າສະແດງແນວຄິດດີໆອອກມາ ເພາະວ່າເຂົາເຈົ້າຮຽນຫຼາຍ ຮຽນຈິງຈັງນີ້ເອງ. ນັກສຶກສາຢູ່ NUS ມີເວລານ້ອຍຫຼາຍ, ຂະໜາດນັ້ນ ເຂົາເຈົ້າຍັງມີເວລາໄປເຮັດອາສາສະໝັກ. ນັກສຶກສາລາວແລ້ວເຮົາເດ ມີເວລາວ່າງຫຼາຍສຳໃດ ເຮົາກໍ່ຍັງບໍ່ໄປ. ຂ້ອຍຖາມໝູ່ທີ່ເປັນນັກສຶກສາຢູ່ NUS 2-3 ຄົນວ່າ: ຖ້າເຈົ້າໄດ້ຄະແນນ C ຈະຮູ້ສຶກທຳມະດາບໍ່, ...
Read more